"Челси" клуби 14 март куни ЕЧЛ 1/8 финалида "Барселона"га қарши сафардаги ўйинда юз берган воқеалар юзасидан УЕФАга арз қилди (0:3).
Таъкидланишича, ўйиндан сўнг "Челси"нинг кўпчилик ишқибозлари ёмон ташкилотчилик, етарли бўлмаган назорат ҳамда полициячи ва стюардларнинг қўполлиги ҳақида айтишган.
"Челси" уйда ҳам, сафарда ҳам ўз ишқибозларининг хавфсизлиги ҳақида қайғуради. Бу УЕФА ва бошқа клублар томонидан ташкил этилган ўйинларда биз кутган нарса эмас. Ўйиндан сўнг таассуротлари билан ўртоқлашган мухлисларга миннатдорчилик билдирамиз, улар бизга ҳисобот тайёрлашда кўмак беришди. Энди УЕФАдан жавоб кутамиз", - дейилади клуб матбуот маркази хабарида.
