The Sun хабарига кўра, "Реал" ҳужумчиси Криштиану Роналду ўз дўстларига ҳамон россиялик модель Ирина Шейкда кўнгли борлигини айтган.
Бу жуфтлик уч йил аввал ажралган эди.
"У ҳаммаси тугаганидан афсусда ва ҳамон унинг ҳаёти билан қизиқиб туради. Роналду ҳеч қачон Ирина уни ташлаб кетишини ўйламаган эди", - дея Криштианунинг номи айтилмаган дўстларидан бирининг сўзларини келтиради The Sun.
Футболчининг дўсти сўзларига кўра, Шейк голливуд актёри Брэдли Куперга қиз фарзанд туққанида, Роналдунинг рашки келган.
Эслатиб ўтамиз, беш карра "Олтин тўп" соҳиби ҳозирда Жоржина Родригес билан яшмоқда ва Алана Мартина исмли қизни тарбиялмоқда.
