“Арсенал” устози Арсен Венгер ёзда жамоадан кетишга қарор қилди. Бу ҳақда Лондон клуби расмий сайти хабар тарқатди.

“Узоқ вақт ўйлаб ва клуб раҳбарияти билан маслаҳатлашиб бир қарорга келдим. “Арсенал”дан кетадиган вақтим бўлибди. Мен клубга ва клуб раҳбариятига, мени қўллаб-қувватлаган барчага миннатдорлик билдираман”, дея Венгернинг сўзларини келтирди “Арсенал” клубининг расмий сайти.

Демак, бу мавсум Венгер учун “Арсенал”даги охирги мавсум ҳисобланади.

68 ёшли мутахассис клубни 1996 йилдан бери бошқариб келади. Унинг қўл остида “Арсенал” уч марта Англия чемпиони, 7 марта Англия кубоги ва суперкубогини қўлга киритган.