“Манчестер Юнайтед” ярим ҳимоячиси Майкл Кэррик нима учун Англия терма жамоасини тарк этганини айтди.

“Ўша пайтларда кўп вақтимни жамоам билан ўтказишни хоҳлардим. Уларни ташлаб терма жамоа билан сафарга кетиш мен учун оғир жараён эди. “Манчестер Юнайтед” билан уч хафта ҳам сафарда юришим мумкин эди.

Лекин терма жамоада бунга сабрим етмасди. Бу айниқса Африкада бўлиб ўтган ЖЧ таъсир қилди. Сабр косам тўлганидан сўнг ўзимга “бундай давом этишига чидай олмайман” дедим. Кўплаб жамоадошларим бу қароримдан қайтишимни сўрашди далда беришди.

Аммо барибир ҳам ортга қайта олмадим. Англия футбол ассоциацияси вакиллари билан учрашдим ва уларга “мени бошқа терма жамоага чақирманглар” деб эшикни қаттиқ ёпиб чиқиб кетдим.

Бу учрашувдан сўнг ўзимни анча енгил ҳис қилдим ва бор эътиборимни “МЮ”га қарата бошладим”, - дейди Керрик.