“Manchester Yunayted” yarim himoyachisi Maykl Kerrik nima uchun Angliya terma jamoasini tark etganini aytdi.

“O‘sha paytlarda ko‘p vaqtimni jamoam bilan o‘tkazishni xohlardim. Ularni tashlab terma jamoa bilan safarga ketish men uchun og‘ir jarayon edi. “Manchester Yunayted” bilan uch xafta ham safarda yurishim mumkin edi.

Lekin terma jamoada bunga sabrim yetmasdi. Bu ayniqsa Afrikada bo‘lib o‘tgan JCH ta’sir qildi. Sabr kosam to‘lganidan so‘ng o‘zimga “bunday davom etishiga chiday olmayman” dedim. Ko‘plab jamoadoshlarim bu qarorimdan qaytishimni so‘rashdi dalda berishdi.

Ammo baribir ham ortga qayta olmadim. Angliya futbol assosiasiyasi vakillari bilan uchrashdim va ularga “meni boshqa terma jamoaga chaqirmanglar” deb eshikni qattiq yopib chiqib ketdim.

Bu uchrashuvdan so‘ng o‘zimni ancha yengil his qildim va bor e’tiborimni “MYU”ga qarata boshladim”, - deydi Kerrik.