"Реал" клуби ва Португалия терма жамоаси ҳужумчиси Криштиану Роналду 2015 йилда Люксембург ва Жерси оролидаги офшор компаниялар хизматида фойдаланган, дея хабар беради Spiegel.

Манбага кўра, португалиялик футболчининг фамилияси ҳеч қандай расмий ҳужжатларда учрамайди, унинг ўрнига ишончи одамлари иш олиб борганлар. Аммо манбадаги ҳужжатларга кўра, Ронладу кўчмас мулкнинг ягона эгаси ҳисобланади.

Таъкидланишича, солиқ тўланса, офшор компаниялар хизматидан фойдаланишнинг ёмон томони йўқ. Аммо Роналду бу ҳолларда солиқ тўлаганми, йўқми, бу савол очиқ қолмоқда. Футболчининг 2015 йилдаги солиқ декларациясида Жерси оролида солиқ тўлагани ҳақида қайдлар йўқ.

Аввалроқ, Испания солиқ идораси Роналдунинг 2011 йилдан 2014 йилгача 14,7 миллион солиқ яширганликда айблаган эди.