"Real" klubi va Portugaliya terma jamoasi hujumchisi Krishtianu Ronaldu 2015 yilda Lyuksemburg va Jersi orolidagi ofshor kompaniyalar xizmatida foydalangan, deya xabar beradi Spiegel.

Manbaga ko‘ra, portugaliyalik futbolchining familiyasi hech qanday rasmiy hujjatlarda uchramaydi, uning o‘rniga ishonchi odamlari ish olib borganlar. Ammo manbadagi hujjatlarga ko‘ra, Ronladu ko‘chmas mulkning yagona egasi hisoblanadi.

Ta’kidlanishicha, soliq to‘lansa, ofshor kompaniyalar xizmatidan foydalanishning yomon tomoni yo‘q. Ammo Ronaldu bu hollarda soliq to‘laganmi, yo‘qmi, bu savol ochiq qolmoqda. Futbolchining 2015 yildagi soliq deklarasiyasida Jersi orolida soliq to‘lagani haqida qaydlar yo‘q.

Avvalroq, Ispaniya soliq idorasi Ronalduning 2011 yildan 2014 yilgacha 14,7 million soliq yashirganlikda ayblagan edi.