“Ливерпуль” клуби бош мураббийи Юрген Клопп “Вест Бромвич”га қарши ўйиндан сўнг “Хоторнс” ўйингоҳидан норози эканлигини билдирди.

“Учрашувни кўп қисмини назорат остига олдик. Рақиб жамоа фақат стандартларда бизга хавф туғдирди. Бунга сабаб ҳимоячилар тартибли ўйин намойиш қилишди. Лекин, учрашув биз учун жуда оғир ўтди. Нега дейсизми? Майдондаги чим қуриб қолган. “Вест Бромвич” танаффусда майдонга сув сепмади буни натижасида футболчилар анча қийналишди.

Менимча, “Вест Бромвич”дек жамоага намлантирилган чимда ўйнашни кераги йўқ. Энди улар кейинги мавсум чемпионшипда чимга сув қуйишади. Ингз ва Хезази тўқнашуви? Ёрдамчи ҳакам видеони кўрсатди. Бунга изоҳ бера олмайман. Билмайман, Хезази нега футболчимни туртиб ташлади. Аммо 980 кунлик танаффусдан сўнг Ингз голидан хурсандман”, - дейди Клопп.