“Liverpul” klubi bosh murabbiyi Yurgen Klopp “Vest Bromvich”ga qarshi o‘yindan so‘ng “Xotorns” o‘yingohidan norozi ekanligini bildirdi.

“Uchrashuvni ko‘p qismini nazorat ostiga oldik. Raqib jamoa faqat standartlarda bizga xavf tug‘dirdi. Bunga sabab himoyachilar tartibli o‘yin namoyish qilishdi. Lekin, uchrashuv biz uchun juda og‘ir o‘tdi. Nega deysizmi? Maydondagi chim qurib qolgan. “Vest Bromvich” tanaffusda maydonga suv sepmadi buni natijasida futbolchilar ancha qiynalishdi.

Menimcha, “Vest Bromvich”dek jamoaga namlantirilgan chimda o‘ynashni keragi yo‘q. Endi ular keyingi mavsum chempionshipda chimga suv quyishadi. Ingz va Xezazi to‘qnashuvi? Yordamchi hakam videoni ko‘rsatdi. Bunga izoh bera olmayman. Bilmayman, Xezazi nega futbolchimni turtib tashladi. Ammo 980 kunlik tanaffusdan so‘ng Ingz golidan xursandman”, - deydi Klopp.