Аргентина терма жамоаси ҳужумчиси Лионель Месси ЖЧ-2014 финалидаги мағлубият аламидан ҳали қутулмаганини айтди.
Эслатиб ўтамиз, ЖЧ-2014 финалида аргентиналиклар Германияга 0:1 ҳисобида мағлуб бўлган эди.
"Жаҳон чемпионати-2014? Билмадим, бу ярам битадими, йўқми. Бразилиядаги воқеа бир умр хотирамда қолади. Ўша чемпионат менда аламли таассуротларни қолдирган эди, буни унутмайман.
Сампаолининг айтишича, футбол мендан Жаҳон кубоги қарз эмиш. У буни менга ҳам айтган эди. Ўзим ҳам умид қиламанки, футбол уни менга қайтариб беради", - дейди Месси.
