"Спартак" (Юрмала) бош мураббийи, ўзбекистонлик мутахассис Самвел Бабаянда УЕФАнинг тегишли лицензияси йўқ бўлиб чиқди ва клуб янги бош мураббий топди, дея хабар беради Sputnik.
Манбага кўра, Латвиянинг охирги икки мавсумдаги чемпионини россиялик 46 ёшли мутахассис Александр Гришин бошқаради.
Клуб ушбу мавсумни ўзбекистонлик мутахасис Самвел Бабаян қўл остида бошлаган эди, аммо Латвия чемпионатининг икки туридан сўнг маълум бўлишича, Бабаянда УЕФАнинг тегишли мураббийлик лицензияси йўқ экан.
"Спартак" унинг ўрнига россиялик мутахассис Александр Гришинни топди. У ўз вақтида ЦСКАнинг ёшлар жамосини ва Россия ёшлар терма жамоасини (U-17) бошқарган.
"Мен юрмаланинг "Спартак" клубини бошқаряпман, аммо шартнома ҳали имзолангани йўқ. Бу таклиф ҳақида билар эдим. Музокара олиб бордик ва ниҳоят катта ёшдагилар билан ишлашга қарор қилдим", - дейди Гришин.
