"Бавария" бош мураббийи Юпп Ҳайнкес ЕЧЛ яримфиналида "Реал"га қарши биринчи ўйиндаги мағлубиятдан сўнг (1:2) фикрларини билдирди.
"Хатоларимиз туфайли "Реал"га иккта гол совға қилдик, ўз вазиятларимиздан эса фойдалана олмадик.
Нима етишмади? Гол урмадик. Роббен ва Боатенгни йўқотганимиз ёмон бўлди, кейин танаффус олдидан аҳмоқона гол қўйиб юбордик. Ҳар икки гол биз томонимиздан совға қилинди.
Аммо кўплаб вазиятлар ярата олдик, шунчаки гол ура олмадик. Бироқ таслим бўлмаймиз, олдинда яна 90 дақиқа бор.
Бундай даражада ҳимояда қўпол хатога йўл қўймаслик керак. Яратилган вазиятлардан фойдаланиш керак", - дейди Ҳайнкес.
