Тошкент вилоятида «Пахтакор»нинг собиқ футболчилари Михаил Ан, Владими Фёдоров ва Олим Аширов хотирасига бағишланган мусобақа ўтказилди.
2005-06 йилларда туғилган ёш ўйинчилар иштирокида ўтказилган турнир 29-бор ташкил этилди. Мусобақанинг ҳал қилувчи учрашувлари Қибрайдаги стадионда бўлиб ўтди. Учинчи ўринни Янгийўл БЎСМ тарбияланувчилари қўлга киритишди.
Улар «Сергели»дан 4:0 ҳисобида устун келишди. Финал баҳсида эса «Пахтакор» ва «Янгиер» жамоалари тўқнаш келишди. Беллашувда устунлиги кўзга ташланган «Пахтакор» рақибни 2:0 ҳисобида мағлубиятга учратиб, турнир ғолибига айланди.
Ушбу мусобақа «Пахтакор» футбол клуби фахрийлар кенгаши Раиси Алла Тазетдинова ва Тошкент вилояти футбол федерацияси ташаббуси билан ташкил этилди.
