"Барселона" ўйинчилари Лионель Месси ва Луис Суарес жамоадоши Андрес Иньестанинг хайрлашув матбуот анжуманига келмадилар.
33 ёшли футболчи кеча 2001 йилдан буён тўп суриб келаётган клуб сафини тарк этишини эълон қилди. Иньеста "Барселона" билан 31 та совринга эга бўлди.
Матбуот анжуманида Иньестанинг оила аъзолари, клуб мураббийлар штаби ва Месси ва Суаресдан бошқа асосий жамоанинг барча ўйинчилари қатнашдилар.
Клуб хабарига кўра, уругвайлик ва аргентиналик шахсий сабабларга кўра анжуманни ўтказиб юборганлар, аммо Иньеста билан хайрлашув маросимида албатта қатнашишларини айтганлар.
