Суперлиганинг  9-туридан ўрин олган учрашувларнинг бирида “Қўқон-1912” ва “Бунёдкор” клублари Қўқонда тўқнаш келишади.

Мазкур ўйинга оид статистик маълумотлар билан танишинг.

Ўзаро ўйинлар

Бу жамоалар Олий лигада бугунга қадар олти марта рўбару келишган. Учрашувларнинг барчасида “Бунёдкор” ғалабага эришган. Олти учрашувда вакилларимиз “Бунёдкор” дарвозасига уч марта йўл топишган.

Факт: Жамоамиз тўртинчи марта “Бунёдкор” билан ўз майдонида тўп сурмоқда. Ўтган йили Қўқондаги “Марказий” ўйингоҳда бўлиб ўтган учрашувда “Бунёдкор” 5:2 ҳисобида ғалаба қозонган.

Ҳакамлар

Қўқондаги марказий ўйингоҳда бўлиб ўтадиган “Қўқон-1912” – “Бунёдкор” учрашувини Илгиз Танташев бошчилигидаги ҳакамлар бошқариб борадиган бўлишди.

Pepsi Суперлига

9-тур

“Қўқон-1912” – “Бунёдкор”

Ҳакамлар: И. Танташев (Бухоро), А. Снетков (Тошкент вил.), С. Улфатов (Тошкент вил.), Д. Жалимов (Тошкент вил.).

Назоратчи – С. Эрматов (Тошкент).

Комиссар – Р. Черников.

Бошланиш вақти

Мазкур учрашув 30 апрель куни соат 18:00да бошланади.