"Милан" бош мураббийи Женнаро Гаттузо "Болонья"га қарши учрашув олдидан, А серияни аллақачон тарк этган "Беневенто"дан учралган мағлубият ҳақида (0:1) гапирди.

"Бизда ҳеч қандай зиддият бўлмади: биз тубга шўнғидик ва бунинг учун жавобгарликни ҳис қилишимиз керак. Биз кийиб юрган формамизни шарманда қилдик.

Менда оилам билан Испанияда икки кун дам олиб қайтиш учун чиптам бор эди. Аммо саёҳатни бекор қилдим. Яхши ишлаш учун ҳаммамиз шу ерда қолдик.

Раҳбарият билан мунтазам алоқада бўлиб турибман. Нима қилиш кераклигини, қайси жиҳатларимизни кучайтиришимизни биламиз.

Ўзимизни Европа чемпионлари кубогининг етти карра соҳиби деб ҳис қилмаслигимиз лозим. Бизга кайфият ва истак керак.

Фикрлаш доирамизни ўзгартирмоғимиз лозим. Оёқларнинг ўзи етарли эмас. Бизга ҳозир нимадир етишмаяпти", - дейди Гаттузо.