"Milan" bosh murabbiyi Jennaro Gattuzo "Bolonya"ga qarshi uchrashuv oldidan, A seriyani allaqachon tark etgan "Benevento"dan uchralgan mag‘lubiyat haqida (0:1) gapirdi.
"Bizda hech qanday ziddiyat bo‘lmadi: biz tubga sho‘ng‘idik va buning uchun javobgarlikni his qilishimiz kerak. Biz kiyib yurgan formamizni sharmanda qildik.
Menda oilam bilan Ispaniyada ikki kun dam olib qaytish uchun chiptam bor edi. Ammo sayohatni bekor qildim. Yaxshi ishlash uchun hammamiz shu yerda qoldik.
Rahbariyat bilan muntazam aloqada bo‘lib turibman. Nima qilish kerakligini, qaysi jihatlarimizni kuchaytirishimizni bilamiz.
O‘zimizni Yevropa chempionlari kubogining yetti karra sohibi deb his qilmasligimiz lozim. Bizga kayfiyat va istak kerak.
Fikrlash doiramizni o‘zgartirmog‘imiz lozim. Oyoqlarning o‘zi yetarli emas. Bizga hozir nimadir yetishmayapti", - deydi Gattuzo.
