Аввал хабар бериб ўтганимиздек, ўзбекистонлик боксчи Шоҳжаҳон Эргашев АҚШда профессионал фаолиятидаги 13-жангини ўтказди ва хитойлик рақиби Жиминг Вангга имконият қолдирмади.

Боксчи ушбу ғалабадан сўнг ижтимоий тармоқдаги саҳифасига видео жойлаб, ғалабасини бутун Ўзбекистон ҳалқига тегишли эканлигини таъкидлади. Чемпионлик ютуғини эса Ўзбекистон Республикаси Президенти Шавкат Мирзиёевга бағишлади.

Эслатиб ўтамиз, Шоҳжаҳон Эргашев Бруклиндаги “Barclays Center” спорт мажмуасида  хитойлик Жиминг Вангга қарши рингга кўтарилди ва 10 раундга қадар жанг ўтказди.

Шоҳжаҳон 100:90, 99:91, 100:90 ҳисобларида рақибидан устун келиб, WBA International камари соҳибига айланди.