Avval xabar berib o‘tganimizdek, o‘zbekistonlik bokschi Shohjahon Ergashev AQSHda professional faoliyatidagi 13-jangini o‘tkazdi va xitoylik raqibi Jiming Vangga imkoniyat qoldirmadi.

Bokschi ushbu g‘alabadan so‘ng ijtimoiy tarmoqdagi sahifasiga video joylab, g‘alabasini butun O‘zbekiston halqiga tegishli ekanligini ta’kidladi. Chempionlik yutug‘ini esa O‘zbekiston Respublikasi Prezidenti Shavkat Mirziyoyevga bag‘ishladi.

Eslatib o‘tamiz, Shohjahon Ergashev Bruklindagi “Barclays Center” sport majmuasida  xitoylik Jiming Vangga qarshi ringga ko‘tarildi va 10 raundga qadar jang o‘tkazdi.

Shohjahon 100:90, 99:91, 100:90 hisoblarida raqibidan ustun kelib, WBA International kamari sohibiga aylandi.