«Динамо» - «Хоразм» (1:1) учрашувидан кейин урганчликлар бош мураббийи Александр Ежов ўйин борасида тўхталди.

«Бугун Самарқанддан очко билан қайтишни мақсад қилгандик ва буни амалга ошира олганимиздан жуда хурсандмиз. «Хоразм» учун «Динамо» билан дуранг ғалабага тенг.

Ўйинни кузатиш учун Самарқандга раҳбарларимиз ҳам келишганди, натижа билан барчамизни табриклашди. Сафардаги икки ўйинда ҳам ҳимояда яхши ўйнаб, очко олдик.

«Динамо»нинг тинимсиз ҳужумларини совуққонлик билан қайтара олганимиздан мамнунман.

Олдимизда аниқ вазифа бўлмасада, имконқадар хоразмлик мухлисларни хурсанд қилишда давом этамиз» - дейди «Хоразм» бош мураббийи.