Суперлиганинг 9-турида «Сўғдиёна» сафарда «Насаф» жамоасига қарши баҳс олиб борди ва 1:2 ҳисобида иродали ғалабага эришди.
Ушбу ўйинда ёш ва истъедодли футболчи Сахоб Рашидов Суперлигада дебют ўйинини ўтказди ва жамоа ғалабасига ўз ҳиссасини қўшди. Ўйиндан сўнг Сахоб Рашидов сайтимиз учун қисқача интервью берди.
-Дебют муваффақиятли бўлганидан хурсандман. Оғир аммо иродали ғалабага эришдик. Биздек ёшларга ишонч билдираётган жамоамиз бош мураббийи Сергей Лушчанга ўз миннатдорчилигимни билдираман.
Қаршига кеча кўплаб жиззахлик мухлислар ташриф буюриб, сўнгги дақиқаларга қадар бизни қўллаб-қувватлашди. Айнан шу бизни олдинга интилишга ва ғалаба қозонишимизга туртки бўлди. Барчага миннатдорчилигимни билдирамиз-дейди Сахоб Рашидов.
“Сўғдиёна” ПФК матбуот хизмати
