“Рома” клуби бош мураббийи Эусебио Ди Франческо “Ливерпуль”га қарши ўйиндан сўнг фикрларини билдириб ўтди. 

“Имкониятларимизга ишонишимиз керак эди. Биз бундан ҳам кўп голлар уриб олиб “Ливерпуль”га босим ўтказишимиз мумкин эди.

Футболчилар яхши мехнат қилишди иккинчи бўлимда “Ливерпуль”ни саросимага тушириб қўйдик. Бундай турнирларда ўйнай олишимизни исботлай олдик.

Лекин мен бу натижа билан махтанишни хоҳламайман. Энди келаси мавсумда ҳам Чемпионлар Лигасида иштирок этишимиз учун турнирда ўз ўрнимизга эга чиқишимиз керак.

Биз кўпроғига қодирмиз. Гол уришимиз мумкин эди лекин вақтни бефойда йўқотдик. Ҳакам билан бахслашиб туриш бехуда, вақтни йўқотишдан бошқаси эмас.

У ҳеч қачон қарорини ўзгартирмайди. Бу эса “Ливерпуль”ни фойдасига ўйнади. Шунинг учун асабийлашмоқдаман.

Шубҳасиз, қизил карточка ва пенальти қолган 25 дақиқада ўйин натижасига таъсир этиши аниқ эди. Лекин биз ҳам хато қилдик ва бу бизга финалга чиқишга йўл қўймади”, - дейди Франческо.