"Ливерпуль" ҳимоячиси Деян Ловрен ЕЧЛ финалида "Реал"га қарши учрашув олдидан фикрларини билдирди.

"Реал" ўзига анча ишонган жамоа. Аммо бу бизни хавотирга солмайди, биз ўз ўйинимизга диққат қаратганмиз. Нима учун улардан қўрқишимиз керак? Улар биздан қўрқсин.

Клопп клубда кўп нарсани ўзгартирди. Фақат ўйинчиларни эмас, футбол атрофидаги нарсаларни ҳам. У руҳиятни, бизнинг ўйларимизни ўзгартирди. Ҳозир ҳамма шай. Ёмон ўйнаган вақтимизда ҳам, у ижобий нарсаларни топа олади.

У бунга лойиқ. У "Боруссия" билан ЕЧЛ финалида бекорга ўйнамаган. У клубга ғурур ҳиссини қайтарди. Буни ҳамма ҳис қиляпти, бу билан яшаяпти. Шундай мураббийимиз борлигидан ҳаммамиз фахрланишимиз керак", - дейди Ловрен.