"Лестер" яримҳимоячиси Риёд Маҳрез ўзини трансферга қўйишларини сўраб ёзган январь ойида аризасини қайтариб олди.
Маҳрез "Манчестер Сити"га ўтишга келишиб ҳам қўйган, аммо "тулкилар" уни қўйиб юбормаган эдилар. Шундан сўнг футболчи иш ташлаш эълон қилиб, ўн кун машғулотларга келмаган эди.
Ёзги таътил олдидан жазоирлик футболчи аризасини қайтариб олишга қарор қилди.
"Буларнинг ҳаммаси ортда қолди. Бу январда бўлган эди, ҳозир бошқа трансфер ойнаси очилмоқда ва мен бошимни қотирмоқчи эмасман. "Лестер" билан шартномам бор, шунинг учун шу ердаман. Кейин нима бўлишини кўрамиз", - дейди Маҳрез.
