Хабарингиз бор, Ўзбекистонда ички туризм ривожлантириш ва спортни хусусан футболни оммалаштириш бўйича юртимизда кўп қарорлар қабул қилинмоқда. “Локомотив” футбол клуби ҳам ушбу йўналишда олиб борилаётган барча ислоҳотларни қўллаб-қувватлайди.

Олдинроқ хабар бериб ўтганимиздек Пепси Суперлигасининг 11 турида “Локомотив” ва “Бухоро” жамоалари ўзаро куч синашадилар. Ушбу ўйинда сиз қимматбаҳо ютуқларни қўлга киритиш билан бирга фарзандларингиз билан мароқли ҳордиқ чиқаришингиз мумкин.

“Локомотив” футбол клуби ва клуб бош ҳомийи Ўзбекистон Темир Йўллари АЖ томонидан  стадионга оилавий ташриф буюрган мухлислар учун ҳам алоҳида ўз совринларини ютуқ сифатида таклиф этади.

Сиз мухлислардан фақат оилавий тарзда суратга тушиб уни “Локомотив” матбуот хизматига юворсангиз кифоя. Сиз юборган расмлар бизнинг расмий Телеграм каналимизда эълон қилинади ва овоз бериш йўли билан аниқланади. Энг кўп овоз олган оилавий расм эгаси эса фарзандлари билан Самарқанд шахрига 4 кишилик “Афросиёб” поездида саёҳат қилиш имкониятига эга бўлади. Шу билан бирга ушбу расм стадионда жойлашган катта экранда ва стадион ҳудудига намуна сифатида қўйилади. Ютуқлар сони ва бошқа имкониятлар турдан турга кўпайиб боради. Имкониятни қўлдан бой берманг ва стадионга ташриф буюринг.

Эслатиб ўтамиз, “Локомотив” – “Бухоро” учрашувига кириш текин. Чипталар “Локомотив” стадиони кассаларида тарқатилади. Ўйин 11 май куни соат 20:30да бошланади. Барча футбол ишқибозларини оилавий ташрифини кутиб қоламиз.