Эртага футбол бўйича мамлакат миллий чемпионати – Pepsi Superliga сининг 11-тур учрашувларига старт берилади. Бекободдаги “Металлург” стадионида Тошкент вилояти жамоалари дербиси "Металлург" – АГМК учрашуви бўлиб ўтади.

Бугун мазкур учрашув олдидан митинг бўлиб ўтди. Унда учрашувни юқори савияда ўтказиш борасида қилиниши лозим бўлган ташкилий масалалар ўйин комиссари ҳамда клублар вакиллари томонидан муҳокама этиб ўтилди. Ўз навбатида жамоаларнинг бу ўйинда қандай либосларда майдонга чиқишига ойдинлик киритилди. "Металлург" эртанги беллашувда кўк рангли либосда майдонга тушиши маълум бўлди. АГМК футболчилари эса сариқ рангли либосларидан фойдаланишади.

Эслатиб ўтамиз, "Металлург" ва АГМК жамоалари ўртасидаги учрашув 10 май, пайшанба куни, соат 20:30да "Металлург" стадионида бошланади. Учрашувдан олдин, аниқроғи 18:00 дан эстрадамиз юлдузлари – УММОН ҳамда ВИА Мароқанд гуруҳларининг чиқишлари мухлислар эътиборига ҳавола этилади. “Металлург” стадионига ошиқинг!