Англия чемпионатининг қолдирилган 35-туридан ўрин олган “Манчестер Сити” ҳамда “Брайтон” жамоалари ўртасидаги учрашув якунига етди. Учрашувда 3:1 ҳисоби қайд этилиб, АПЛ чемпионларидан яна ғалаба қайд этилди.

16-дақиқада Данило ҳисобни очиб берган бўлса, орадан 4 дақиқа ўтиб, Ульоа фарқни тенглаштирди. Шундан сўнг ҳужумга зўр берган “шаҳарликлар” Силва ва Фернандиньонинг голлари эвазига ўз майдонларида ғалабани расмийлаштиришди ва 37-турдан сўнг очколари сонини 97тага етказди.

АПЛ, 35-тур.

Манчестер Сити – Брайтон 3:1 (2:1, 1:0)

Голлар: 1:0 – 16 Данило, 1:1 – 20 Ульоа, 2:1 – 34 Бернарду Силва, 3:1 – 72 Фернандиньо.

Манчестер Сити – Браво, Лапорт, Компани, Данило, Зинченко (Менди, 76), Гюндоган, Фернандиньо, Бернарду Силва, Туре (Нмеча, 86), Сане, Габриэл Жезус (Браим Диас, 83).

Брайтон – Райан, Даффи, Бонг, Сальтор, Данк, Проппер, Стивенс, Кнокерт, Гросс (Кайяль, 73), Искьердо (Марч, 79), Ульоа (Локадия, 73).

Огоҳлантиришлар: Даффи (37).