«Реал» ҳужумчиси Криштиану Роналду ўзи супер қаҳрамон бўлган мультфильм суратга олмоқчи. Бу ҳақда Deadline нашри хабар тарқатди.
Роналду ҳақида ҳикоя қилувчи мультипикацион сериал Striker Force 7 номи остида экранларга чиқарилади. Унинг график дизайни устида рақамли мобиль контент VMS Communications яратувчиси бўлган компания Graphic India иш олиб бормоқда. Роналду қаҳрамони нафақат анимацион фильмда, балки комикс ўйинлар учун ишлатилувчи қоғозлардан ҳам жой олади.
Роналдунинг сўзларига кўра, у ҳар доим суперқаҳрамонлар ролини бажаришни орзу қилган. «Футбол бутун дунё одамлари ва маданиятларини бирлаштиради. машҳур мультфильм қаҳрамонлари ҳам худди шундай. Шундай экан ўзимнинг икки буюк орзуимни бирлаштириш имкониятига эга бўлганимдан хурсандман: футбол ва суперқаҳрамон», — дея гапириб ўтган у.
Сериал муаллифи Роналдунинг ўзи бўлади. Шунингдек унга медиапродюсер Шарад Девараджан ҳам продюсер сифатида ёрдам беради.
