Туркия футбол федерацияси қошидаги интизом қўмитаси “Истанбул” клуби ярим ҳимоячиси Арда Тураннинг мамлакат чемпионати 32-тур доирасида “Сивасспор” га қарши учрашувда (1:1) кўрсатган хунари учун жиддий жазолади.
31 ёшли туркиялик футболчи 70-дақиқадамайдонга тушди ва қўшимча дақиқаларда қанот ҳакамини туртигани ва бош ҳакамга билдирган эътирози учун 16 учрашувга четлатилди.
Футболчи лайнсменни туртгани учун 10 та ўйинга ва ҳакамга таҳдид қилгани учун 6 та ўйинга дисквалификация қилинди. Шунингдек, Туран яна 7,7 минг евро жарима ҳам тўлайди.
Шундай қилиб, Арда Туран жорий мавсум сўнгги 2 та тур ва янги мавсумнинг биринчи даврасидаги тўлиқ ўйинларни ўтказиб юборади.
