"Барселона" яримҳимоячиси Иван Ракитич жамоасининг ЕЧЛ 1/4 финалида мусобақадан чиқиб кетгани хусусида фикр билдирди.
Каталонияликлар чорак финалнинг биринчи ўйинида "Рома"ни 4:1 ҳисобида мағлуб этиб, жавоб учрашувида 0:3 ҳисобида мағлуб бўлган эдилар.
"Жавоб учрашувидан сўнг ўзимни ургим келди. Уйда 4:1 ҳисобида ғалаба қозониб, ЕЧЛ яримфиналига чиқа олмаслик - оғир зарба. Яримфиналга чиқишни "Барселона" футболчиларидан бошқа ҳеч ким бунчалик хоҳламаган эди.
Мағлубиятимизни тушунтириб беришнинг иложи йўқ. Шунчаки у мавжуд эмас. Ҳатто "Рома"нинг ўзи ҳам бизни қандай ютганини тушунтира олмайди. Футболда бунақаси бўлиб туради, буни тушунтириш қийин", - дейди Ракитич.
