“Суғдиёна” – “Пахтакор” учрашувидан сўнг меҳмонлар бош мураббийи Шота Арвеладзе ва футболчи Акмал Шораҳмедов ўйин ҳақида ўз фикрларини билдириб ўтди.

Арвеладзе: - Майдон ҳолати яхши ўйнашимизга имкон бермади. Учрашув жуда қийин кечди. Биз ҳар доим ўзимиз хоҳлагандек футбол ўйнашни истаймиз. Бугун шунга уриндик. Ўйиндаги интизом ва интилиш менга маъқул келди. Оғир беллашувларда ғалаба қозониш жуда ҳам муҳим. Яхшироқ ўйин намойиш этишга интилишда давом этамиз.

Шораҳмедов: - Яхши футбол кўрсатиш учун биринчи навбатда майдонни яхши ҳолатга келтириш лозим. Мезбонлар охирги поғоналарда кетишаётгани сабабли бор кучларини ишга солишмоқда. Пешқадамларга қарши учрашувларда ўзларини кўрсатишга ҳаракат қилишади. Шу сабабли ўйин оғир кечди. Майдон ҳолати яхшироқ бўлганда бемалол чиройлироқ футбол кўрсата олардик.