"Ливерпуль" бош мураббийи Юрген Клоппнинг фикрича "Реал" ҳужумчиси Криштиану Роналдунинг даражасига етгунча Муҳаммад Салоҳ ҳали кўп меҳнат қилиши керак.
"Мо фантастик мавсумни ўтказди, аммо Криштиануда бундай мавсумлардан 15та. У худди 47000 та гол ургандек, ақлдан оздирувчи статистика.
Биз нима учун таққослашимиз керак? Пеле даврида унга ҳеч ким таққосланмас эди. Ҳозир бизда Месси ва Роналду бор. Улар бир неча йиллардан буён футболда устунлик қилиб келишмоқда.
Месси ва Роналду ҳал қилувчи паллаларда қаерда бўлишни биладилар, бу дунёда энг қийин иш.
Айнан шунинг учун улар ўз жойларида турибди. "Олтин тўп"ни фақат шулар олмоқда. Айтиш керакки, муносиб тарзда.
Улар футболни тарк этсалар, сўзсиз, зерикамиз", - дейди Клопп.
