25-30 май кунлари Франциянинг Берк-сюр-Мер шаҳрида оғир атлетика (пауэрлифтинг) бўйича Европа Очиқ Чемпионати бўлиб ўтади. Ушбу мусобақада 40та давлатдан 250га яқин спортчи иштирок этиши кўзда тутилмоқда.

Беллашувларда етти нафар ўзбекистонлик спортчи ўз омадини синаб кўради. Баҳсларда Наврузбек Абдурасулов (107кг вазн тоифасида), Фарход Умирзоқов (88кг), Яшинбек Олтиев (72кг), Исмира Исломова (79кг), Роза Қўзиева (55кг), Муслима Нуриддинова (50кг) хамда Шахзода Мамадалиевалар (45кг) юртимиз шарафини ҳимоя қиладилар. Улар билан бирга мураббий Фазлиддин Умирзоқов мусобақага йўл олди.

Биз ушбу чемпионатда иштирок этадиган паралимпия спортчиларимизга омад ва зафарлар тилаб қоламиз.