"Арсенал"нинг собиқ бош мураббийи Арсен Венгер лондонликларни бошқарган чоғида тушган таклифлар ҳақида гапирди.

"Янги стадион қураётганимизда банклар мени беш йилга клубдан четлатишга мажбурламоқчи бўлдилар. "Реал" таклиф қилди, аммо мен кета олмасдим, бу "Арсенал"га сотқинлик бўлар эди.

Мен "Реал"нинг таклифига икки ёки уч марта рад жавобини берганман. Менга бу жамоа ёшлигимдан ёқар эди, аммо "Арсенал"ни қийин даврда ташлаб кета олмасдим. Албатта, "Реал"ни бошқариш истагим бор эди, чунки улар менга жамоани тўлиқ бошқаришни таклиф қилгандилар. Аммо узоқ ўйлаб кўрганимдан сўнг, буни рад этдим. Кўп клубларнинг таклифини рад қилганман, натижада шу клубда бахтиёр бўлдим.

Терма жамоа? Мен Англия терма жамоасининг икки-уч таклифини рад қилганман. Мен учун жамода ҳар кунлик иш маъқул эди. Англияга англиялик мутахассис кераклигини кўп бора таъкидлаганман. Бу йирик футбол мамлакати ва бу ерда юқори маҳоратли мураббийлар кўп. Бу вазифа менга тўғри келмайди деб ҳисоблаганман", - дейди Венгер.