"Реал" футболчилари ЕЧЛ финалида "Ливерпуль" мағлуб этилганидан сўнг (3:1) Криштину Роналду айтган сўзлардан норози бўлдилар.
Ўйин тугагач, португалиялик футболчи клубни тарк этишига шаъма қилган эди: "Менга Мадридда ҳаммаси яхши бўлди. Яқин кунларда ҳаммасини айтаман".
Marca хабарига кўра, "Реал" сардори Серхио Рамос бундай гапларни оммага маълум қилишдан аавал, жамоа ичида айтиш кераклигини айтиб, танбеҳ берди.
Жамоанинг бошқа футболчилари Рамосга қўшилдилар ва Роналду бу сўзларни айтиш учун ноқулай вақт танлаганини билдирдилар.
Роналду жамоадошларига шундай жавоб берган: "Агар гол урганимда, ҳеч нарса демаган бўлардим". Аммо кейинроқ хатосини тан олди.
