Бразилия терма жамоаси футболчилари Россияда ўтадиган жаҳон чемпионатида чемпион бўлсалар қанча пул билан мукофотланишлари маълум бўлди.
Folha de S.Paulo хабарига кўра, чемпионлик қўлга киритилса, барча ўйинчилар ва мураббийлар 1 миллион доллардан мукофот пули оладилар. Делегациянинг қолган аъзолари бироз камроқ оладилар.
Бразилияликларга ўз уйларида ўтган 2014 йилги мундиалда чемпионлик учун 35 миллион евро ваъда қилинган, аммо фақат тўртинчи ўрин эгалланган эди.
2002 йилда чемпион бўлган Луис Фелипе Сколари шогирдлари 100 минг доллардан мукофотланган эдилар.