Braziliya terma jamoasi futbolchilari Rossiyada o‘tadigan jahon chempionatida chempion bo‘lsalar qancha pul bilan mukofotlanishlari ma’lum bo‘ldi.
Folha de S.Paulo xabariga ko‘ra, chempionlik qo‘lga kiritilsa, barcha o‘yinchilar va murabbiylar 1 million dollardan mukofot puli oladilar. Delegasiyaning qolgan a’zolari biroz kamroq oladilar.
Braziliyaliklarga o‘z uylarida o‘tgan 2014 yilgi mundialda chempionlik uchun 35 million yevro va’da qilingan, ammo faqat to‘rtinchi o‘rin egallangan edi.
2002 yilda chempion bo‘lgan Luis Felipe Skolari shogirdlari 100 ming dollardan mukofotlangan edilar.
