Жаҳон чемпионатларида жинсий мулоқотнинг тақиқланишини кўп муҳокама қиладилар. Қайсидир мураббий диққат-эътибордан чалғимаслик учун футболчиларга буни тақиқлайди. ЖЧ-2014да Коста-Рика (гуруҳ босқичида), Мексика, Чили ҳамда Босния ва Герцеговина терма жамоалари шундай таққиққа учраган.
Россияда бу нарсага Нигерия терма жамоаси футболчилари учраши мумкин. Бош мураббий Гернот Рор шундай деган: "Оила аъзолари ва турмуш ўртоқлар ўйинга тайёргарлик кўрмайдиган кунлари ўйинчилар билан учрашишлари мумкин, Ўйин кунлари эса - йўқ. Шунингдек, йигитларга рус қизларини олиб келишга ҳам рухсат бермайман. Фақат сардоримиз Оби Микелга рухсат, у рус хотинини олиб келиши мумкин.
"Челси"нинг собиқ ўйинчиси, ҳозирда Хитойда тўп сураётган Оби Микелнинг турмуш ўртоғи ҳақиқатан ҳам рус қизи - Ольга Дьяченкодир. Улар Лондонда танишишган.
Нигерия Хорватия билан (Калининград), Исландия билан (Волгоград) ва Аргентина билан (Санкт-Петербург) бир гуруҳда кураш олиб боради.
