Ён қўшнилар билан илиқ муносабатларни давом эттириш йўлида 8 июнь куни Қўчқоротанинг “Нефтчи” клубига қарши Фарғонанинг “Нефтчи” клуби саф тортади. Ўртоқлик учрашуви ҳар икки мамлакат Профессионал футбол лигаларининг ўзаро келишуви асосида ташкил этилади.
8 июнь кунги беллашувга Қирғизистоннинг Жалолобод шаҳри мезбонлик қилади. Ўйин маҳаллий вақт билан 17:00 да старт олади.
Сир эмаски, 7 июнь куни Ўзбекистон миллий терма жамоаси Уругвайга қарши ўртоқлик ўйинида иштирок этади. Шундан келиб чиқиб, Pepsi Суперлиганинг 14-тури Жаҳон Чемпионатидан кейинга қолдирилганди. Демак, 8 июнь кунги учрашув “Нефтчи”нинг чемпионатдаги иштирокига таъсир қилмайди.
