"Реал" бош мураббийи Зинедин Зидан шошилинч матбуот анжуманида истеъфосини эълон қилганидан сўнг, унда иштирок этган клуб президенти Флорентино Перес фикрларини билдирди.

"Чемпионлар лигасидаги ғолибликдан сўнг бундай хабарни эшитиш кутилмаган иш бўлди. Аммо биз Зинединнинг қарорини қабул қиламиз ва буни ҳурмат қиламиз.Тўғрисини айтаман, кеча оқшомда буни эшитиб ҳайратга тушдим.

Уни қолишга кўндирмоқчи бўлдим, аммо унинг қатъий феълини яхши биламан, у қарор чиқариб бўлган эди.

Мен унга клубга содиқлигига, муҳаббатига ва умуман баарган ишларига миннатдорчилик билдираман. Умид қиламанки, бу видолашув эмас, тез орада яна кўришамиз. Агар унга танафус керак бўлса, у бунга ҳар кимдан ҳам муносиброқ", - дейди Перес.