"Челси" хўжайини Роман Абрамович клубни сотмайди.
The Times нашр қилган материалда россиялик милардернинг Челси"ни сотиши ҳақида гап боради. Унга кўра, Абрамовчи "Челси"ни 1,17 миллиард фунтга сотишни кўзлаяпти.
51 ёшли тадбиркорга яқин The Bell манбасининг айтишича, Абрамовчи "Челси"ни сотишни мўлжаллаётгани йўқ.
Абрамович аввалроқ, Исроил фуқаролигини қабул қилганидан сўнг Буюк Британия инвестицион визасини олиш учун топширган аризасини қайтариб олган. Исроил паспорти унга олти ойи Англияда бўлишга имкон беради.
Россиялик тадбиркор, шунингдек, "Челси"нинг уй стадиони "Стэмфорд Бридж"ни қайта қуриш ишларини ҳам тўхтатган.
Эслатиб ўтамиз, Абрамович "Челси"ни 2003 йилнинг июнь ойида 140 миллион фунт эвазига сотиб олган, ўшанда бу Англия клуби тарихидаги энг йирик савдо бўлган эди.
