Германия терма жамоасининг собиқ футболчиси Михаэль Баллак бош мураббий Йоахим Лёвнинг "Манчестер Сити" яримҳимоячиси Лерой Санени ЖЧ-2018 га олиб кетмагани хусусида фикр билдирди.
"Бошқалар каби мен ҳам жуда ажабландим, футбол нуқтаи назаридан мураббий ўз қарорига ҳеч қандай тушунтириш бермади. Германиядан ҳақиқатан яхши ўйинчилар кўп аммо улар орасида Лерой бўлиши керак эди.
Гап саҳна орти воқеаларида бўлиши ҳам мумкин. Лёв Сане билан яхши муносабатда эканини айтди, аммо Юлиан Брандтни танлади. Бу қарорни хато деб биламан, чунки Лерой бир позиция ўйинчиси эмас", - дейди Баллак.
