Испания терма жамоаси бош мурраббийи Хулен Лопетеги терма жамоани ЖЧ-2018да бошқармайди
Краснодар шаҳрида ўтган матбуот анжуманида Испания ФФ президенти Луис Рубиалес мураббийнинг истеъфосини эълон қилди.
"Биз бу бош мураббий хизматидан фойдаланмасликка мажбурмиз. Унга янг яхши тилакларимиз ва омад тилаймиз. Испания термасининг барча ходимлари аниқ билишлари керакки, аҳлоқнинг умумий қоидалари бор.
Мен ўзимни сотилган деб ҳисобламайман. Гап шундаки, "Реал" билан музокаралар ИФФдан берухсат ўтказилган. Биз буни шундай қолдиролмаймиз.
Лопетеги – шубҳасиз профессионал. Аммо ишни ўз қонун-қоидаларига мувофиқ олиб бориш керак", - дейди Рубиалес.
