Хабарингиз бор, 18 июнь кунидан Ўзбекистон чемпионатида трансферлар ойнаси расман очилди ва жамоаларга янги футболчиларни рўйхатдан ўтказишга рухсат берилди.
“Динамо” жамоаси ёзги трансферлар вақтидаги дастлабки ўйинчилар билан шартномаларини имзолади. Илгари “Сўғдиёна” жамоаси сафида ўйнаган Акмал Холмуродов “Динамо” сафига бориб қўшилди. 29 ёшли тажрибали ҳимоячи бугун Самарқанд клуби билан 1,5 йиллик шартнома имзолади.
Шунингдек, “Динамо” “Бунёдкор” клубидан 1999 йилда туғилган икки футболчи Суҳроб Иззатов ва Аббос Жумақуловларни ижара асосида таклиф этди.
