18 июнь санасидан эътиборан Ўзбекистон чемпионатида расман трансферлар ойнаси очилганидан хабарингиз бор.
Жамоалар янги футболчиларни рўйхатдан ўтказишни бошлаб юборишди. Жумладан, Самарқанднинг “Динамо” клуби “Сўғдиёна”да ўйнаган Акмал Холмуродов билан 2019 йил якунигача мўлжалланган шартнома тузди. Шунингдек, “Динамо” “Бунёдкор” клубидан 1999 йилда туғилган икки футболчи Суҳроб Иззатов ва Аббос Жумақуловларни ижара асосида таклиф этди.
Бугун “Динамо” яна бир футболчини ўз сафига қўшиб олди. Мавсумни “Металлург” таркибида бошлаган Павел Пуришкин энди “Динамо” шарафини ҳимоя қилади. Самарқанд жамоаси бугун маҳоратли ҳужумчини рўйхатдан ўтказди.
Шу ўринда, “Динамо” йил бошида “Насаф”дан ижарага олган Бекзод Жумақулов яна Қарши жамоаси сафига бориб қўшилди.
“ДИНАМО” (Про-Лига)
Келганлар:
Акмал Холмуродов
Суҳроб Иззатов (ижара)
Аббос Жумақулов (ижара)
Павел Пуришкин
Кетганлар:
Бекзод Жумақулов
* "Динамо"га жамоани тарк этган футболчилар олдида ҳеч қандай қарздорлиги йўқ бўлгани сабабдан янги футболчиларни рўйхатдан ўтказишга рухсат берилди.
