22-25 июн кунлари Тунисда паралимпиянинг енгил атлетика спорт тури бўйича Халқаро Гран-при турнири бўлиб ўтди. Мусобақада жаҳоннинг 20 мамлакатидан 180 нафарга яқин спортчи иштирок этди. Унда 9 нафар Ўзбекистон паралимпиячилари ҳам совринли ўринлар учун кураш олиб бордилар.

Эътиборлиси, ҳамюртларимиз ушбу нуфузли турнирда 2та олтин, 5та кумуш ва 3та бронза, жами 10та медални қўлга киритишди.
Мусобақа якунига кўра, совриндор спортчиларимиз рўйхати қуйидагича кўриниш олди:

Дониёр Аҳмедов
200 м. югуриш - 00:22.75 - олтин
100 м. югуриш - 00:11.38 - кумуш
400 м. югуриш - 00:53.71 – бронза

Миран Сахатов
Узунликка сакраш - 5.58м. - кумуш

Миржалол Қурбонов
100 м. югуриш - 00:12.79 - кумуш

Маруфжон Муродуллаев
400 м. югуриш - 00:52.02 – кумуш
800 м. югуриш - 02:02.89 – бронза
1500 м. югуриш - 04:26.74 – бронза

Элбек Султонов
Диск улоқтириш – 36,42 – кумуш
Ядро улоқтириш - олтин

Қайд этиб ўтиш лозимки, Элбек ядро улоқтиришда Риодаги Паралимпия ўйинлари ғолиби ҳисобланган эронлик Саман Пакбазни ортда қолдира олди.