Жаҳон чемпионатининг "H" гуруҳида баҳслар якунига етди. Бу гуруҳда қизиқ вазият юзага келди.

Колумбия терма жамоаси сўнгги турда Сенегалга қарши баҳс олиб бориб, Йерри Мина томонидан урилган гол эвазига ғалаба қозонди. Эътиборли томони, "Барса" ҳимоячиси кетма-кет иккинчи ўйинда жамоасига 3 очкони тақдим этмоқда. Ушбу ғалабадан кейин колумбияликлар 6 очко билан гуруҳ пешқамига айланишди.

Параллел кечган ўйинда эса Япония терма жамоаси нимчорак финалга чиқиш имкониятини йўқотган Польшага кичик ҳисобда имкониятни бой берди. Кунчиқар юрт вакиллари нариги ўйинда қайд этилаётган натижани билган ҳолда, баҳснинг сўнгги дақиқаларида 0:1 ҳисобини сақлаб қолиш учун ўйнадилар.

Якунда Япония ва Сенегал терма жамоалари 4 очкодан тўплашди. Уларнинг тўплар нисбати бир хил кўринишга келди — 4:4. Бу жамоалар 2-турда ўзаро 2:2 ҳисобида дуранг ўйнашганди. Фақатгина карточкалар ҳисоб-китобига кўра японлар нимчорак финал йўлланмасини қўлга киритишди. Осиёлар гуруҳ босқичи давомида 4та, африкаликлар эса 6та сариқ карточкалар олишганди.

Колумбия ва Япония терма жамоаларига плей-оффда Англия ва Бельгия терма жамоаларидан бири тўқнаш келади.

Шу тариқа, Африканинг барча жамоалари гуруҳ босқичидан ўта олишмади. Осиёдан эса фақат Япония плей-оффга чиқишга муваффаф бўлди.

ЖЧ-2018. "H" гуруҳи, 3-тур
Сенегал – Колумбия 0:1 (0:0, 0:1)
Гол: 0:1 – 74 Мина.
Сенегал – Ндиай, Сане, Сабали (Ваге, 74), Гассама, Кулибали, Сарр, Куяте, Мане, Гуйе, Кейта (Конате, 80), Ньянг (Сако, 86).
Колумбия – Оспина, Мина, Мохика, Арьяс, Санчес, Санчес, Урибе (Лерма, 83), Кинтеро, Куадрадо, Хамес (Муриэль, 31), Фалькао (Борха, 89).
Огоҳлантиришлар: Мохика (45), Ньянг (51).

Япония – Польша 0:1 (0:0, 0:1)
Гол: 0:1 – 59 Беднарек.
Япония – Кавасима, Сакаи, Йосида, Макино, Нагатомо, Сакаи, Сибасаки, Ямагути, Усами (Инуи, 65), Муто (Хасебе, 82), Окадзаки (Осако, 47).
Польша – Фабианьски, Берешиньски, Глик, Беднарек, Енджейчик, Крыховяк, Гуральски, Гросицки, Зелиньски (Теодорчик, 79), Кужава (Пешко, 80), Левандовски.
Огоҳлантириш: Макино (66).