Уругвай терма жамоаси бош мураббийи Оскар Табарес ЖЧ-2018 1/8 финалида Португалия термаси устидан қозонилган ғалабадан сўнг (2:1) фикрларини билдирди.
"Бизнинг ажойиб сифатларимиздан бири - футболчиларнинг ишга бўлган муносабати. Бугун рақиб тўпни фаол олиб қўйди. Улар доим бизнинг майдонимизда ҳаракат қилишди. Тўп билан яхшироқ муомала қилишимиз керак эди. Аммо тўпга эгалик қилишда оқсасак ҳам, рақибни қийнай оламиз. Доим шундай ўйнймиз деб айта олмайман. Биз айни вақтда қандай ўйнаш зарур бўлса, шундай ўйнаймиз.
ЖЧ-2010дан сўнг анча ўсдик. Бизнинг у ердаги тўпга эгалигимиз ЖАР савиясида эди. Амммо тўпга эгалик доим ҳам голга олиб келавермайди. Италияда ишлаганимда бу тажрибани эгаллагандим. Бугун ҳимояда яхши ўйнадик, бу ерда биз индивидуал яхши ўйнаймиз.
Вазифаларимиздан бири Роналдуни қўриқлаш эди. Унинг бутун майдон бўйлаб ҳаракатланишини билар эдик. Бу бизнинг сценарийларимиздан бири эди. Унга вазиятни бермаслик учун доим ҳушёр бўлишинг керак. Бу жуда қийин. Французлар билан ҳам шундай бўлади. Агар эрта таслим бўлсанг, майдонга тушмаганинг маъқул", - дейди Табарес.
