Про-Лига иккинчи даврасидан кейин «Динамо» жамоаси сафида бир қатор ўзгаришлар кузатилди.

ПФЛ 18 июндан янги футболчиларни рўйхатдан ўтказишга рухсат бергач, “Динамо” таркибига 5 нафар янги футболчи - Акмал Холмуродов (“Сўғдиёна”), Аббосбек Жумақулов, Суҳроб Иззатов (“Бунёдкор”), Павел Пуришкин (“Металлург”) ва Дилмурод Каримовлар (“Сўғдиёна”) келиб қўшилганлигини ва улар билан 2019 йил якунига қадар шартнома имзоланганлигини эълон қилган эдик.

Шу билан бирга яна бир қатор футболчилар билан ўзаро шартномалар бекор қилинди. Жумладан, Муйдин Мамазулумов, Зоҳир Қўзибоев, Акмал Бозоров, Азиз Суюнов, Рустам Тоштурдиев сингари футболчилар билан расман дўстона хайрлашилди. Ёш ҳимоячи Ҳумоюн Толибов эса “Шердор” клубига ижарага берилди.

“Динамо” клуби клубимизни тарк этган ушбу футболчиларга жамоамиздаги фаолиятлари учун миннатдорчилик билдириб, уларнинг кейинги фаолиятларига омад тилаб қолади.