Pro-Liga ikkinchi davrasidan keyin «Dinamo» jamoasi safida bir qator o‘zgarishlar kuzatildi.

PFL 18 iyundan yangi futbolchilarni ro‘yxatdan o‘tkazishga ruxsat bergach, “Dinamo” tarkibiga 5 nafar yangi futbolchi - Akmal Xolmurodov (“So‘g‘diyona”), Abbosbek Jumaqulov, Suhrob Izzatov (“Bunyodkor”), Pavel Purishkin (“Metallurg”) va Dilmurod Karimovlar (“So‘g‘diyona”) kelib qo‘shilganligini va ular bilan 2019 yil yakuniga qadar shartnoma imzolanganligini e’lon qilgan edik.

Shu bilan birga yana bir qator futbolchilar bilan o‘zaro shartnomalar bekor qilindi. Jumladan, Muydin Mamazulumov, Zohir Qo‘ziboyev, Akmal Bozorov, Aziz Suyunov, Rustam Toshturdiyev singari futbolchilar bilan rasman do‘stona xayrlashildi. Yosh himoyachi Humoyun Tolibov esa “Sherdor” klubiga ijaraga berildi.

“Dinamo” klubi klubimizni tark etgan ushbu futbolchilarga jamoamizdagi faoliyatlari uchun minnatdorchilik bildirib, ularning keyingi faoliyatlariga omad tilab qoladi.